Озық педагогикалық іс-тәжірибе

30.01.2019 ж.  Жамбыл медициналық колледжінде озық педагогикалық тәжірибені насихаттау және тарату мақсатында әдістемелік кабинеттің ұйымдастыруымен №1 жалпы білім беру және жаратылыстану пәндері циклдік- әдістемелік комиссиясының төрайымы, жоғары санатты физика пәнінің оқытушысы  Роза Кеңшілікқызы Турсынбаева «Білім беру жүйесін ақпараттандыруда электронды оқыту кешенін пайдалану тиімділігі» тақырыбында озық педагогикалық іс-тәжірибесін таратты. Жаңа ақпараттық технологияны физика сабағында пайдалана отырып, студенттердің білім- білік дағдыларын қалыптастыруда пәнге деген қызығушылығын арттыруға, оны талдай білуге,  үйрету мақсатында сабақтарында қолданылған  дидактикалық  және оқу- әдістемелік кешендерін, электронды нұсқадағы жинақтаған материалдарын, өзінің және студенттерінің жетістіктерін, оқу – әдістемелік құралдарын, тәрбие жұмыстары бойынша материалдарын,  студенттердің шығармашық жұмыстарын , үлестірме материалдарын  қойып,  үлкен шығармашылық көрме жасалды. Іс-шараны колледж әдіскері Л.К.Батаева жүргізді.  Озық педагогикалық іс-тәжірибесін тарату мақсатында өткен іс-шараның колледж оқытушылары мен жас мамандар үшін үйретері  мол, мағынасы мәнді іс-шара болғаны сөзсіз.